Շուշիում ականի վրա պայթած ադրբեջանցու ոտքն անդամահատել են

Ադրբեջանի գլխավոր դատախազության տվյալներով այսօր Շուշիում ականի պայթյունից վիրավորված  ադրբեջանցի Ռահիմ Հաբիբովի աջ ոտքի մի մասը՝ ծնկից ներքե անդամահատել են։ Այդ մասին հայտնում են ադրբեջանական ինտերնետային լրատվամիջոցները։

Մինչ այդ Ադրբեջանի ՆԳՆ մամուլի ծառայության Բարդայի շրջանային վարչությունը հայտնել էր, որ դեկտեմբերի 7-ին, ժամը 11:15-ի սահմաններում ոստիկանություն տեղեկություն է ստացվել, որ Շուշիում ականի վրա պայթել է տեղի բնակիչ Ռահիմ Հաբիբովը։