ԱՄՆ պետքարտուղարությունը ողջունել է Ալիևին ու Փաշինյանին

Միացյալ Նահանգները ողջունում է Հայաստանի և Ադրբեջանի համատեղ հայտարարությունը երկու ադրբեջանցի և երեսուներկու հայ կալանավորների ազատ արձակման վերաբերյալ։ 

«Այս հանձնառությունը վստահության ամրապնդման կարևոր միջոց է, քանի որ կողմերը աշխատում են խաղաղության համաձայնագրի ավարտի և հարաբերությունների կարգավորման ուղղությամբ։

Մենք ողջունում ենք Ադրբեջանի նախագահ Ալիևին և Հայաստանի վարչապետ Փաշինյանին Հարավային Կովկասի ժողովրդի համար ավելի խաղաղ և բարգավաճ ապագայի հիմքեր ստեղծելու համատեղ ջանքերի համար։

Միացյալ Նահանգները կշարունակի խստորեն աջակցել տևական և արժանապատիվ խաղաղության հասնելու ջանքերին»,-ասված է պետքարտուղարության մամուլի խոսնակ Մեթյու Միլլերի  հայտարարության մեջ։