Ուկրաինայի զինված ուժերը ստացել են նոր սերնդի AQ 400 Scythe անօդաչու թռչող սարքերի առաջին խմբաքանակը

Ուկրաինայի Զինված ուժերի անձնակազմը ստացել է նոր սերնդի AQ 400 Scythe նոր հարվածային անօդաչու թռչող սարքերի առաջին խմբաքանակը։ Այս մասին հայտնում է ТСН հեռուստաալիքը՝ հղում կատարելով ուկրաինական Terminal Autonomy արտադրական ընկերությանը։

Անօդաչու սարքերը հանձնվել են Ուկրաինայի պաշտպանության ուժերին։

«Terminal Autonomy-ը հպարտ է հայտարարելու, որ մենք հաջողությամբ ավարտել ենք մեր AQ 400 Scythe համակարգի մարտական տեղակայման գնումը: Ունենալով 100 միավոր նախնական արտադրական հզորություն և ծրագրում ենք արտադրությունը հասցնել ամսական 500 միավորի՝ մենք ընդլայնում ենք ռազմավարական պատերազմի սահմանները»,- ասվում է ընկերության հայտարարության մեջ:

AQ-400 Scythe-ը հեռահար կամիկաձե անօդաչու թռչող սարք է: Մշակողը պնդում է, որ թռիչքի հեռահարությունը 750 կմ է։ Անօդաչու թռչող սարքը կարող է արձակվել կարճ թռիչքուղուց կամ կատապուլտից։