Ավելի քան 60 միգրանտներ խեղդվել են Լիբիայի ափերի մոտ նավի խորտակման հետևանքով

Ավելի քան 60 միգրանտներ, այդ թվում՝ երեխաներ և կանայք, խեղդվել են Լիբիայի ափերի մոտ նավի խորտակման հետևանքով: «ՌԻԱ նովոստի»-ն գրում է, որ այդ մասին հայտնում է Լիբիայում ՄԱԿ-ի Միգրացիայի միջազգային կազմակերպությունը X սոցիալական ցանցում։

«Վաթսունմեկ միգրանտ, այդ թվում՝ կանայք և երեխաներ, խեղդվել են Լիբիայի ափերի մոտ նավի ողբերգական խորտակման հետևանքով»,-ասվում է կազմակերպության հաղորդագրության մեջ։

Ըստ հաղորդագրության՝ Լիբիայից մեկնող նավում ընդհանուր առմամբ մոտ 86 մարդ  է եղել: