Եմենի հութիները սպառնացել են հարձակվել ԱՄՆ կոալիցիային միացողների նավերի վրա

Եմենի հյուսիսում իշխող Անսար Ալլահ շարժման (Հութիների) ղեկավարությունը սպառնացել է Կարմիր ծովում հարձակվել այն երկրների նավերի վրա, որոնք միջազգային կոալիցիայի կազմում կմիանան այս տարածաշրջանում նավագնացությունը պաշտպանելու ԱՄՆ գործողությանը։

Ավելի վաղ Պենտագոնի ղեկավար Լլոյդ Օսթինը հայտարարել էր «Բարգավաճման պահապան» միջազգային օպերացիայի մեկնարկի մասին՝ Կարմիր ծովում նավարկության անվտանգությունն ապահովելու համար՝ հաշվի առնելով հութիների աճող հարձակումները, որոնք փորձում են կանխել նավերի անցումը Իսրայելի նավահանգիստներ՝ պահանջելով Գազայի հատված անվճար մարդասիրական օգնության առաքումը և ռմբակոծությունների դադարեցումը։

«Այն երկրների նավերը, որոնք մեր դեմ գործողություններ են ձեռնարկում, մեր կողմից հարձակման կենթարկվեն Կարմիր ծովում»,-« ՌԻԱ նովոստի»-ն Հայտնում է, որ  իրանական «Ալ Ալամ» հեռուստաալիքին ասել է Եմենի բարձրագույն քաղաքական խորհրդի անդամ Մուհամմադ Ալի ալ-Հութին: