Այժմ ողջ ընդդիմադիր քաղտեխնոլոգիան լծված է սովորական մարդուն գառլախելու գործին. Հովհաննես Իշխանյան

Հրապարակախոս Հովհաննես Իշխանյանը, անդրադառնալով Սևադա Խոջաբաղյանի՝ «Մեր ժամանակների հերոս»-ը դառնալու արձագանքներին, գրել է.

«Հիմա ուրիշ անկյունից վերլուծենք

Սևադա Խոջաբաղյանը, ով դավաճանների կողմից արժանացել ա «Մեր օրերի հերոսը» կոչման, մաթեմատիկայի ուսուցիչ է, հիմնել է իր դպրոցը, մաթեմատիկայի խնդիրների լուծումների գրքեր է գրել:

Եվ առաջին հայացքից սովորական մարդ է:

Երբ ընդդիմադիր գործիչներին հարցնում ես, ինչու՞ չեք գնում սովորական մարդկանց հետ իրենց տներում հանդիպելու, շատերն ասում են՝ մեզ ատում են, ո՞նց գնանք:

Այժմ ողջ ընդդիմադիր քաղտեխնոլոգիան լծված է սովորական մարդուն գառլախելու գործին՝ մարդու «խղճուկ» տեսքի հիման վրա, իսկ դավաճանները Սևադա Խոջաբաղյանին հերոսացնելով՝ գրավեցին բոլոր սովորականների սրտերը: Հասկանալի է, որ սիրտը գրավում են, հետո սպանում են, բայց անգամ Արցախի աղետից հետո արցախամետ ուժերը սովորական մարդկանց սիրտը չգրավեցին, և սովորական մարդիկ են ամենաշատ զոհը տալիս պատերազմներում:

Ուրվագծվում է, որ հաջորդ իշխանությունը կլինի նա, ով իսկապես սիրում է սովորական մարդուն, ո՛չ դավաճանում, ո՛չ էլ գառլախում: Այս ամենն էլ վերլուծում եմ որպես սովորական մարդ:
Իսկ ընդդիմությունը 1 միլիոն դրամ չունե՞ր ու արձանիկ, որ իր հերոսին սահմաներ ժողովրդի մեջից»։