Ռուսաստանը ՄԱԿ-ի ԱԽ նիստ է խնդրել 14 զոհի պատճառ դարձած Բելգորոդի հրթիռակոծման հարցով

Ռուսաստանը դեկտեմբերի 30-ին Մոսկվայի ժամանակով ժամը 23:00-ին ՄԱԿ-ի Անվտանգության խորհրդի արտակարգ նիստ է խնդրել՝ կապված Ուկրաինայի զինված ուժերի կողմից Բելգորոդի հրթիռակոծման հետ և պահանջել համաշխարհային կազմակերպությունում Չեխիայի մշտական ներկայացուցչի ներկայությունը։ ՏԱՍՍ-ը գրում է, որ այդ մասին հայտարարել է ՄԱԿ-ում Ռուսաստանի Դաշնության մշտական ներկայացուցչի առաջին տեղակալ Դմիտրի Պոլյանսկին։

«Մենք պահանջել ենք Անվտանգության խորհրդի նիստ Բելգորոդում այսօր՝ դեկտեմբերի 30-ին, Մոսկվայի ժամանակով 23:00-ին: Մենք պահանջել ենք նաև Չեխիայի մշտական ներկայացուցչի ներկայությունը, թող նա բացատրի իր երկրի կողմից զինամթերքի մատակարարման փաստը, ինչով սպանում են խաղաղ բնակիչներին»,-գրել է նա իր Telegram ալիքում։

Պոլյանսկին ավելի ուշ պարզաբանել է, որ հանդիպումը կկայանա դեկտեմբերի 31-ին Մոսկվայի ժամանակով ժամը 00:00-ին։