BBC. Ռուսաստանը մահացու մակարդակկի հարձակումներ է իրականացնում Ուկրաինայի քաղաքների վրա

Առնվազն 30 մարդ է զոհվել Ուկրաինայում Ռուսսատանի կողմից հրթիռակոծության հետևանքով, որը, ըստ ուկրաինական կողմի, ամենամեծն է  պատերազմի մեկնարկից ի վեր։

BBC-ն գրում է, որ ուրբաթ օրը Կիևին, Օդեսային, Դնեպրոպետրովսկին, Խարկովին և Լվովին Ռուսաստանի հասցրած հարվածների հետևանքով ավելի քան 160 մարդ  վնասվածքներ է ստացել։

Ուկրաինայի նախագահ Վլադիմիր Զելենսկին հայտարարել է, որ Ռուսաստանը «օգտագործել է իր զինանոցում առկա գրեթե բոլոր տեսակի զենքեր՝ հարվածելով տների և ծննդատան»:

Ուկրաինայի ռազմաօդային ուժերը հայտարարել են, որ երբեք չեն տեսել միանգամից այդքան հրթիռների արձակում:

Ռազմաօդային ուժերի խոսնակն ասել է, որ Ռուսաստանը օգտագործել է հիպերձայնային, թևավոր և բալիստիկ հրթիռներ, այդ թվում՝ X-22 տիպի, որոնք դժվար է որսալ։

«Մենք երբեք չենք տեսել, որ այսքան թիրախներ միաժամանակ խոցվեն»,- հավելել է նա։

Օդային ուժերը հայտնել են, որ 158 հրթիռներից և անօդաչուներից 114-ը խոցվել են: