ՀՀ ԱԳՆ. Ցնցված ենք՝ տեղեկանալով Իրանում տեղի ունեցած պայթյունների մասին

Ցնցված ենք՝ տեղեկանալով Իրանի Քերման քաղաքում տեղի ունեցած պայթյունների մասին, որոնց հետևանքով զոհվել են ավելի քան 100 անմեղ բնակիչներ։ Այպես է ՀՀ ԱԳ նախարարությունն արձագանքել հարևան Իրանում տեղի ունեցած ահաբեկչությանը։

«Մեր մտքերն ու աղոթքները տուժածների և նրանց ընտանիքների հետ են»,- ասված է ԱԳ նախարարության՝ X-միկրոբլոգում հրապարակած հայտարարության մեջ։

ԻՀՊԿ գեներալ Ղասեմ Սոլեյմանիի մահվան տարելիցի կապակցությամբ սգո երթերի ժամանակ տեղի ունեցած պայթյուններից տուժածների թիվը հասել է 188-ի։

Հիշեցնենք, որ այսօր իրանական Քերման բնակավայրում պայթյուն է որոտացել դեպի գերեզմանատուն տանող ճանապարհին, որտեղ թաղված է գեներալ Ղասեմ Սոլեյմանին։ Կատարվածն Իրանի իշխանությունը որակել է ահաբեկչություն։

Իրանի ողջ տարածքում վաղը սգո օր է հայտարարվել։