ԱՀԿ-ն կոչ է դիմակր կրել՝ կորոնավիրուսի հիվանդացության աճի պատճառով

Աշխարհում կորոնավիրուսով հիվանդացության աճող դեպքերի պատճառով պետք է շարունակենք դիմակներ կրել և պատվաստվել։ X-ի (նախկինում Twitter) իր միկրոբլոգում գրել է ԱՀԿ գլխավոր տնօրեն դոկտոր Թեդրոս Ադhանոմ Գեբրեյեսուսը։

Նրա խոսքով, վերջին երկու շաբաթների ընթացքում ավելանում է կորոնավիրուսով և գրիպով հիվանդացությունը, ակնկալվում է, որ այդ միտումը կշարունակվի։

Նա խրախուսել է թեստավորումը և բժշկական օգնության դիմելը՝ հիշեցնելով, որ COVID-19-ի բուժումը կարող է կանխել ծանր հիվանդությունը և մահը:

«Պետք է դիմակներ օգտագործեք, հեռավորություն պահպանեք և համոզվեք, որ դուք և ձեր սիրելիները պատվաստված են կորոնավիրուսի և գրիպի դեմ»,-ավելացրել է ԱՀԿ ղեկավարը։