Ամենից շատ կարդացված նյութեր
.jpg "Իրանի ԱԳՆ. Տարանցիկ համագործակցության զարգացումը չի կարող հիմք հանդիսանալ երկրների տարածքային ամբողջականությունը խախտելու համար")
Իրանի ԱԳՆ. Տարանցիկ համագործակցության զարգացումը չի կարող հիմք հանդիսանալ երկրների տարածքային ամբողջականությունը խախտելու համար
Հարավային Կովկասում իրավիճակի և տարանցիկ միջանցքների վերաբերյալ Իրանի պաշտոնական դիրքորոշումը հստակ է։
ԻՌՆԱ գործակալության փոխանցմամբ, այս մասին հայտարարել է Իրանի ԱԳՆ խոսնակ Նասեր Քանանին՝ անդրադառնալով այսպես կոչված «Զանգեզուրի միջանցքի» վերաբերյալ Թուրքիայի տրանսպորտի և ենթակառուցվածքների նախարարի հայտարարությանը։
«Մենք մեծ ջանքեր ենք գործադրում տարածաշրջանի երկրներում խաղաղություն, կայունություն և անվտանգություն հաստատելու համար։ Մենք ընդգծում ենք, որ տարանցիկ համագործակցության զարգացումը չի կարող հիմք հանդիսանալ աշխարհաքաղաքական փոփոխությունների և երկրների տարածքային ամբողջականության և ազգային ինքնիշխանության խախտման համար»,- ասել է Քանանին։
Թուրքիայի տրանսպորտի և ենթակառուցվածքների նախարար Աբդուլքադիր Ուրալօղլուն ավելի վաղ հայտարարել էր, որ Թուրքիան ակնկալում է ավարտին հասցնել այսպես կոչված «Զանգեզուրի միջանցք» նախագիծը մինչև 2029 թվականը։
Studio One