Հռոմի Պապը կոչով դիմել է Երևանին ու Բաքվին

Հռոմի Ֆրանցիսկոս պապը կոչ է արել  Երևանին և Բաքվին հասնել խաղաղության։ Նա մտահոգություն է հայտնել Հարավային Կովկասում լարվածության կապակցությամբ։ Վատիկանի ռադիոյի փոխանցմամբ՝ այս մասին պոնտիֆիկոսն ասել է՝ դիմելով Սուրբ Աթոռում հավատարմագրված դիվանագետներին։

Հռոմի պապը կոչ է արել Երևանին ու Բաքվին խաղաղության պայմանագիր կնքել։ Ֆրանցիսկոս Պապը նաև նշել է տեղահանվածների վերադարձի իրավունքները, պաշտամունքի վայրերի նկատմամբ հարգանքն ապահովելու անհրաժեշտությունը։