«Զանգեր»-ում խիտ մառախուղ է

Հունվարի 10-ին՝ ժամը 16։30-ի դրությամբ, առատ ձյան պատճառով Ջերմուկի խաչմերուկից մինչև Սիսիանի խաչմերուկ ճանապարհահատվածը կցորդով տրանսպորտային միջոցների համար փակ է։

Վարդենյաց լեռնանցքը դժվարանցանելի է կցորդով տրանսպորտային միջոցների համար։

Միջպետական և հանրապետական նշանակության մյուս ավտոճանապարհները բաց են:

Հրազդանի, Սևանի, Գավառի, Դիլիջանի, Ճամբարակի, Մարտունիի, Վարդենիսի, Արթիկի, Վայքի, Սիսիանի, Գորիսի և Մեղրիի տարածաշրջաններում ձյուն է տեղում։

Սարավանի լեռնանցքում և Սիսիանի «Զանգեր» կոչվող հատվածում խիտ մառախուղ է, տեսանելիությունը՝ 5-10 մետր։