Ռուսաստանը հարցում է ուղարկել Թուրքիային՝ Քեմերում ռուս զբոսաշրջիկի անհետացման պատճառով

Թուրքական Քեմեր հանգստավայրի ոստիկանությունը հետաքննում է ռուս զբոսաշրջիկի անհետացումը։ Թուրքիայում ռուս դիվանագետները վերահսկում են իրավիճակը։  Այդ մասին «ՌԻԱ նովոստի»-ին հայտնել են Անթալիայում ՌԴ գլխավոր հյուպատոսությունից։

Գլխավոր հյուպատոսությանը տրամադրած տեղեկատվության համաձայն՝ ռուս կինը Թուրքիա է ժամանել 2023 թվականի դեկտեմբերի 30-ին, իսկ հունվարի 8-ին՝ իր զբոսաշրջային ուղևորության ավարտին, չի ներկայացել Մոսկվա չվերթին։ «Պարզվել է, որ նա հունվարի 4-ին դուրս է եկել զբոսնելու և հյուրանոց չի վերադարձել, այդ ժամանակվանից նա չի շփվել հարազատների հետ, իսկ հեռախոսն այս պահին անջատված է»,-հայտնում են դիվանագիտական ներկայացուցչությունից։

«Անթալիայում Ռուսաստանի գլխավոր հյուպատոսությունը կապ է հաստատել թուրքական իրավապահ մարմինների և զբոսաշրջային ընկերության հետ, որի միջոցով նա ժամանել է Թուրքիա արձակուրդի համար: Պաշտոնական հարցում է ուղարկվել թուրքական կողմին»,-ասել են դիվանագետները:

«Քեմեր քաղաքի ոստիկանությունը հետաքննություն է անցկացնում, Ռուսաստանի քաղաքացու անհետացման հետ կապված, իրավիճակը գտնվում է գլխավոր հյուպատոսության վերահսկողության տակ»,- ընդգծել են դիվանագիտական առաքելությունից։