Մենք Ադրբեջանից, Ադրբեջանը մեզնից լրացուցիչ երաշխիքներ է ուզում. Փաշինյան

«Հիմա, ըստ էության քիչ թե շատ ակտիվ է Հայաստանի ու Ադրբեջանի միջև ուղղակի շփումները»,- ՔՊ վարչության նիստում ասել է Նիկոլ Փաշինյանը՝ մանրամասներ ներկայացնելով բանակցային գործընթացից:

Ըստ նրա, հիմնականում աշխատանքային կապուղիներ կան աշխատելու, մասնավորապես իր աշխատակազմի և Ադրբեջանի նախագահի աշխատակազմի միջև. «Մասնավորապես այդ կապուղիներով մենք ընդունեցինք համատեղ հայտարարությունը, որի արդյունքում նաև մեր 32 գերեվարված եղբայրները վերադարձան:

Իհարկե, աշխատանքի թեման հիմնականում խաղաղության պայմանագրի տեքստի վրա աշխատանքն է: Նրանք մեզ են ուղարկում, մենք աշխատում ենք, իրենց ենք ուղարկում:

Հիմա, ըստ էության, այդ աշխատանքը հասել է մի տեղ, որ մենք Ադրբեջանից, Ադրբեջանը մեզնից լրացուցիչ երաշխիքներ է ուզում փոխադարձաբար, որ մենք փոխադարձաբար միմյանցից թաքնված տարածքային պահանջներ և նկրտումներ չունենանք, որովհետև դիվանագիտական տեքստերը իրենք միշտ տարբեր շրջադարձեր, ենթատեքստեր և տողատակեր են ունենում: Եվ մենք Ադրբեջանի, երևի Ադրբեջանը մեր առաջարկների տողատակերում տարածքային պահանջների որոշակի, եթե ոչ այսօր, հետագա վտանգեր էտեսնում:

Ես կարծում եմ, որ մենք այդ իրադրությանը պետք է վերաբերվենք որպես աշխատանքային գործընթաց, որը մենք պետք է շարունակենք կառավարել, մինչև այս հարցերը պատասխան ստանան»,- ասել է նա:

Մանրամասն՝ տեսանյութում։