«Մեծ վարպետ, շնորհավոր տարեդարձդ»

ԱԺ նախագահ Ալեն Սիմոնյանը լուսանկար է հրապարակել հայտնի կոմպոզիտոր Տիգրան Մանսուրյանի հետ ու գրել.

«Մեծ վարպետ, շնորհավոր տարեդարձդ, Աստված Ձեզ ուժ և առողջություն տա երկար տարիներ ստեղծագործելու և մեր իրական մշակութային ժառանգությունն էլ ավելի մեծացնելու համար»։

Նշենք, որ Տիգրան Մանսուրյանը բոլորում է իր ծննդյան 85 տարին։

Հունվարի 27-ին «Արամ Խաչատրյան» համերգասրահում տեղի կունենա ՀՀ ժողովրդական արտիստ Տիգրան Մանսուրյանի 85-ամյակին նվիրված հոբելյանական երեկո։ Համերգին ելույթ է ունենալու  Հայաստանի պետական սիմֆոնիկ նվագախումբը։