Կառավարությունը ՀԾԿՀ նախագահի պաշտոնում կրկին առաջադրեց Գարեգին Բաղրամյանի թեկնածությունը

«Բավականին աշխատանք արված է, բայց նաև շատ աշխատանք կա արվելու»,-կառավարության նիստում հայտնեց Նիկոլ Փաշինյանը՝ Հանրային ծառայությունները կարգավորող հանձնաժողովի նախագահի պաշտոնում հավանություն տալով  Գարեգին Բաղրամյանի թեկնածությունը:

Կառավարությունը  ՀԾԿՀ նախագահի պաշտոնում կրկին առաջադրեց Գարեգին Բաղրամյանի թեկնածությունը։

Հարցը ներկայացնող վարչապետի աշխատակզմի ղեկավար Արայիկ Հարությունյանը հայտնեց, որ Գարեգին Բաղրամյանը ՀՀ հանրային ծառայությունները կարգավորող հանձնաժողովի նախագահի պաշտոնում է 2019 թվականի ապրիլի 19-ից, պաշտոնավարման ժամկետը լրանում է ապրիլի 18-ին:

Նիկոլ Փաշինյանը հայտնեց, որ Էլեկտրաէներգիայի, ջրի մատակարարման ոլորտներում խնդիրեն կան և հիշեցրեց, որ քաղաքացիները կարող են ՀԷՑ-ից փոխհատուցում պահանջել, եթե 4 և ավել ժամ զրկված են լինում հոսանքից։