Սելին Դիոնի ներկայությունը «Գրեմմի» մրցանակաբաշխությանը մեծ անակնկալ է եղել հանդիսատեսի համար

Աշխարհահռչակ երգչուհի Սելին Դիոնի ներկայությունն ու մասնակցությունը «Գրեմմի» մրցանակաբաշխությանը մեծ անակնկալ է եղել հանդիսատեսի համար։ Հիշեցնենք, որ 55-ամյա երգչուհու մոտ  երկու տարի առաջ ախտորոշվել է հազվադեպ նյարդային հիվանդություն՝ «Stiff Person Syndrome» (SPS)։

«Երբ ասում եմ, որ ուրախ եմ այստեղ լինելու համար, դա իմ սրտից է բխում»,-ասել է նա։

Մինչ նա քայլում էր դեպի բեմը՝ հանձնելու երեկոյի ամենամեծ մրցանակը, դահլիճում ներկա գտնվողները հոտնկայս ծափահարություններով ողջունում էին երգչուհուն։

Սելին Դիոնը հանձնել է Թեյլոր Սվիֆթին մրցանակը՝  Midnights ալբոմի համար։ 

Երգչուհին նախկինում խոսել է այն մասին, թե ինչպես է հազվադեպ նյարդաբանական խանգարումն ազդում իր երգելու վրա։