Աշոտյան. Սահմանադրությունը հերթական զոհերից մեկն է, կարևորը կուսությունը չստուգեն

Անազատության մեջ պահվող ՀՀԿ փոխնախագահ Արմեն Աշոտյանն այսօրվա դատական նիստի ավարտին շնորհակալություն հայտնեց այն քաղաքացիներին ու ԶԼՄ-ներին, որոնք չեն վախենում ասել ճշմարտությունն այն մասին, որ ինքը քաղաքական բանտարկյալ է։

«Դա դառը ճշմարտություն է»,-ասաց Աշոտյանը։

Անդրադառնալով հարցին, որ Փաշինյանին անվստահություն հայտնած քաղաքացիների թիվն ավելացել է՝ Աշոտյանը մեկնաբանեց, որ Փաշինյանը մնացել է իշխանության ի հակառակ բռնության, ճնշումների ու բոլոր կանոնների։

Ինչ վերաբերում է Սահմանդրությունը փոխելու մասին իշխանության հայտարարություններին՝ ընդդիմադիր գործիչն ասաց. «Իշխանություն, որ հետրողականորեն քանդում է ինքության, մշակույթի հիմքերը, Սահմանադրությունը հերթական զոհերից մեկն է, կարևորը կուսությունը չստուգեն»։

Աշոտյանի գործով հաջորդ նիստը նշանակվեց ապրիլի 10-ին, ժամը 14։00-ին։