Խուզարկում են Քերոբյանի աշխատասենյակը. «Հրապարակ»

էկոնոմիկայի նախարարի պաշտոնից երեկ ազատված Վահան Քերոբյանին այսօր կանչել են ԱԱԾ եւ հնարավոր է առաջիկայում մեղադրանք առաջադրեն Էկոնոմիկայի նախարարության գործունեության հետ կապված վերջին օրերին հարուցված քրեական վարույթների շրջանակներում։

«Րոպեներ առաջ տեղեկացանք, որ իրավապահներն այս պահին նաեւ նախարարությունում են, խուզարկում են Քերոբյանի աշխատասենյակը»,-այս մասին գրում է «Հրապարակ»-ը։

«Ազատություն»-ն էլ տեղեկացնում է, որ Էկոնոմիկայի նախկին նախարար Վահան Քերոբյանը րոպեներ առաջ ժամանել է Քննչական կոմիտե՝ ըստ երևույթին հարցաքննության։

Նա «Ազատության»-ն ասել է, որ մեղադրյալ չէ և դեռ չի հարցաքննվել և մտավ կոմիտեի շենք։

Քննչականը որևէ տեղեկատվություն չի փոխանցում, թե ինչ գործի շրջանկում է Քերոբյանը կանչվել հարցաքննության։