Արթուր Դավթյանը Եգիպտոսում նվաճեց հենացատկի ոսկե մեդալը

Արթուր Դավթյանը նվաճեց հենացատկի ոսկե մեդալը Եգիպտոսի մայրաքաղաք Կահիրեում անցկացվող սպորտային մարմնամարզության աշխարհի գավաթի խաղարկության առաջին փուլում, որը վարկանիշային է Փարիզի Օլիմպիական խաղերի համար:

Եզրափակիչում Արթուր Դավթյանն առաջին տեղը գրավեց 14,933 միավորով։ Որակավորման փուլում Տոկիոյի Օլիմպիական խաղերի բրոնզե մեդալակիր, աշխարհի չեմպիոն, Եվրոպայի կրկնակի չեմպիոնը վաստակել է 15.000 միավոր՝ դարձյալ զբաղեցնելով առաջին տեղը։