Վահագն Դավթյան` օղակների բրոնզե մեդալակիր

Եվրոպայի փոխչեմպիոն Վահագն Դավթյանը բրոնզե մեդալ նվաճեց Գերմանիայի Կոտբուս քաղաքում ընթացող սպորտային մարմնամարզության աշխարհի գավաթի խաղարկության երկրորդ փուլի օղակների վարժությունում:

Դավթյանը վաստակեց 14,600 միավոր: Նույն վարժությունում չորրորդ տեղը գրավեց Արթուր Ավետիսյանը, որը վաստակեց 14,566 միավոր:

Աշխարհի գավաթի փուլերը վարկանիշային են Փարիզի 33-րդ ամառային Օլիմպիական խաղերի համար: