Ռուսաստանը կարող է վերանայել հարաբերությունները Հայաստանի հետ. ՌԴ ԱԳ նախարար

«Հայաստանի դիրքորոշումը, թե  Ռուսաստանի հետ մերձ հարաբերությունների հաստատման քաղաքական կուրսն ի սկզբանե սխալ է եղել,  կարող է հանգեցնել երկկողմ հարաբերությունների  վերանայման»,- Անթալիայի դիվանագիտական ֆորումի արդյունքներով մամուլի ասուլիսում հայտարարել է ՌԴ ԱԳ նախարար Սերգեյ Լավրովը։

«Ասել, որ 1991 թվականից ի վեր Հայաստանը սխալ քաղաքականություն է վարել Ռուսաստանի հարցում, մեղմ ասած, քաղաքական խիզախություն է պետք ունենալ»,- նշել է նա՝ ի պատասխան Հայաստանի գործող ղեկավարության ներկայացուցիչների համապատասխան հայտարարությունների։

«Եթե սա Հայաստանի ողջ ղեկավարության գնահատականն է, և այն հիմնված է ողջ հայ ժողովրդի կարծիքի վրա, ապա սա ստիպում է շատ հարցերում վերանայել ռուս-հայկական հարաբերություններում»,- ասել է Լավրովը։