Ամենից շատ կարդացված նյութեր
.png "Ինգուշեթիայում շարունակում է գործել հակաահաբեկչական գործողության ռեժիմը")
Ինգուշեթիայում շարունակում է գործել հակաահաբեկչական գործողության ռեժիմը
ՌԴ Ինգուշեթիայի Կարաբուլակ քաղաքու զինյալների վնասազերծումը շարունակվում է։ Այս մասին Ռիա նովոստիին հայտնել է տարածաշրջանային անվտանգության ուժերի աղբյուրը։
«Կարաբուլակում հակաահաբեկչական գործողության ռեժիմը շարունակում է գործել, ակտիվ միջոցներ են ձեռնարկվում զինյալներին չեզոքացնելու ուղղությամբ»,- ասել է գործակալության զրուցակիցը։
Նախօրեին տարածաշրջանային օպերատիվ շտաբը հայտնել էր, որ շաբաթ օրը Մոսկվայի ժամանակով ժամը 19:30-ից Ինգուշեթիայի Կարաբուլակ քաղաքի տարածքում հակաահաբեկչական գործողության ռեժիմ է մտցվել։
Հաղորդվում է, որ Ինգուշեթիայում օպերատիվ որոնողական աշխատանքների ժամանակ անվտանգության մարմինները բնակելի շենքերից մեկում հայտնաբերել են ավազակների խումբ, որոնք պատրաստվում էին ահաբեկչություններ կատարել: Նրանց ձերբակալելու փորձ կատարելիս նրանք կրակ են բացել ուժայինների ուղղությամբ։ ԱԴԾ հատուկ ջոկատայիններն արգելափակել են զինյալներին բազմաբնակարան շենքում։ Ահաբեկիչներին հայտնաբերելու տարածքին հարող տների բնակիչները տարհանվել են։ Իրավիճակը վերահսկում է Ազգային հակաահաբեկչական կոմիտեի շտաբը։
Studio One