Շահագործման ժամկետն այն է, երբ աշակերտներին էվակուացնելու անհրաժեշտություն չի առաջանում. Փաշինյան

«Նախագծով նախատեսվում է 2024 թվականի պետակա բյուջեով նախատեսված ԿԳՄՍ նախարարության կապիտալ ծրագրերից հատկացված միջոցներից կատարել 1 մլրդ 368 մլն դրամի վերաբաշխում»,- կառավարության նիստում ասաց ԿԳՄՍ նախարա ժաննա Անդրեասյանը՝ զեկուցելով պետական բյուջեից գումարների վերաբաշխման  մասին նախագիծը։

Նրա խոսքով՝ նախագծի նպատակն է գումար հատկացնել մի շարք կրթական և մշակութային հաստատությունների  ավարտական աշխատանքների համար։

«Նշվածը վերաբերում է երկու մանկապարտեզի, 6 մոդուլային  դպրոցի, մեկ ավագ դպորցի մասնաշենքի կառուցման և 15 դպրոցի մարզադահլիճի կառուցման և 11-ի վերակառուցման աշխատանքներին»,-ասաց Անդրեասյանը։

Նախարարը հայտնեց, որ նախագծով գումար է հատկացվում նաև 8 դպրոցների նախագծանախահաշվարկային փաստաթղթերի կազմման համար։

«Ուսումնասիրությունների արդյունքում որոշվել է մի շարք օբյեկտներում շինարարական ծավալների ավելացում իրականացնել և նախագծով նախատեսվում է քաղաքաշինության կոմիտեին թույլատրել այդ ուղղությամբ պայամանգրեր կնքել և երկարաձգել օբեկտների հանձման ժամկետը, որոնք լրացել է 2023 թվականին» հայտնեց ԿԳՄՍ նախարարը։

Նիկոլ Փաշինյանն էլ նշեց, որ սովորաբար շահագործման հանձնելուց հետո պարզվում է, որ բազմաթիվ չլուծված խնդիրներ կան՝ լույս, գույք, ջուր չկա, և ԿԳՄՍ նախարարին հանձնարարեց, որ  իրեն ներկայացնի օբյեկտների վերջնական շահագործման հանձնելու ժամկետները։

«Ինձ համար շահագործման ժամկետն այն է, երբ աշակերտները  մտնում են այնտեղ և նրանց էվակուացնելու անհրաժեշտություն չի առաջանում»,-ասաց Փաշինյանը։