Հույս ունեմ, որ քրեական գործերի հետ մեկտեղ լոբի էլ կստանանք.Նիկոլ Փաշինյան

«Վերջին տարիներին ՎԿ-ի հրապարակած վիճակագրության համաձայն հացահատիկային, հատիկաընդեղենի մշակաբույսերի և բազմամյա խոտաբույսերի ցանքատարածությունների նվազում է արձանագրվում»,-կառավարության նիստում զեկուցեց Էկոնոմիկայի նախարար Գևորգ Պապոյանը՝ զեկուցելով բուսաբուծության ծրագիրը։

Նախարարն ասաց, որ ծրագրով նախատսվում է փոխհատուցել մինչև 100 հեկտարի գարնանացան ցորենի, գարու, եգիպտացորենի, վարսակի, հաճարի, ոլոռի, ոսպի, սիսեռի մշակաբույսերի բազմամյա խոտաբույսերի՝ առվույտի, կորնգանի մեկ հեկտարի հաշվարկով  կատարվող աշխատանքների և սերմերի համար ծախսվող գումարի 50 %-ը։

«Հացահատիկային մշակաբույսերի յուրաքանչյուր 1 հեկտար մակերեսով կտրամադրվի 70 հազար դրամ, իսկ եգիպտացորենի համար՝ 85 հազար դրամ, հատիկաընդեղենի յուրաքանչյուր հեկտարի մասով 100 հազար դրամ, իսկ բազմամյա խոտաբույսերի համար 110 հազրա ՀՀ դրամ»,-հայտնեց Պապոյանը՝ հստակեցնելով, որ ցանքն անպայման պետք է արվի հավաստագրված սերմերով։

Նախարարը տեղեկացրեց, որ ծրագիրը կիրականացվի մարզպետարանների և համայնքների միջոցով և տրամադրվող գումարի 3 %-ի չափով մոնիթորինգի գումարներ կհատկացվեն, որպեսզի չարաշահումներ չլինեն։

Նիկոլ Փաշինյանը հարցրեց, «Ոնց ենք անում, որ այս ծրագրի արդյունքում ստանանք հատիկաընդեղեն, և ոչ քրեական գործեր...Ակեղծ ասած՝ ակնհայտ է, որ քրեական գործեր ենք ստանալու, բայց հույս ունեմ, որ լոբի էլ կստանանք»։