Վատ եփած բեկոնն օգտագործելու հետևանքով տղամարդու գլխում թրթուրներ են առաջացել. CNN

Բժիշկները հայտնաբերել են տղամարդու միգրենի աղբյուրը՝ նրա ուղեղում երիզորդի թրթուրը, որը հավանաբար թերեփված բեկոն հաճախ ուտելու հետևանք է։

CNN-ի փոխանցմամբ, միգրենի վաթարացումից բողոքոց տղամարդու  ուղեղում բժիշկները հայտնաբերել են մակաբույծ երիզորդների թրթուրներ։ Մասնագետները կարծում են, որ դրանք առաջցել են թերեփած  բեկոն ուտելու սովորության հետևանքով։

52-ամյա տղամարդը  բողոքել է, որ վերջին չորս ամիսների ընթացքում  գրեթե ամեն շաբաթ գլխացավեր է ունենում, ցավերն ուժեց են, իսկ միգրենի դեմ դեղերը չեն օգնում։

Հետազոտությունները ցույց են տվել, որ գլխում հեղուկով լցված պարկեր կան։ Բժիշկները կարծել են՝ ի ծնե կիստաներ են։

Հետագա լաբորատոր փորձաքննությունները, հետազոտությունները  ցույց են տվել, որ կիստաները մակաբույծ երիզորդների թրթուրներ են, որոնք բնակություն են հաստատել նրա ուղեղում և առաջացրել վարակ, որը կոչվում է նեյրոցիստիցերկոզ։

Տղամարդը պատմել է, որ չի եղել  բարձր ռիսկային տարածքներում,  սերտ շփում չի ունեցել խոզերի հետ և չի ապրել վատ սանիտարական պայմաններում։

Նա, սակայն, խոստովանել է, որ իր կյանքի մեծ մասը «թեթև եփած, ոչ փխրուն բեկոն» ուտելու սովորություն ունի։ Հետազոտողները եզրակացրել են, որ տղամարդը, ամենայն հավանականությամբ, վարակվել է մակաբույծով «ինքնավարակի» միջոցով։