Խաղաղության պայմանագրի սկզբունքային հարցերում առայժմ շատ շոշափելի արդյունքներ չկան. Արարատ Միրզոյան

«Կառուցողական ջանքերը տարածաշրջանում երկարատև խաղաղություն հաստատաելու նպատակով, շարունակվել են մնալ  նույն ինտենսիվությամբ, նպատակն էլ նույնն է մնացել»,- ԱԺ արտաքին հարաբերությունների մշտական հանձնաժողովում հայտարարեց ԱԳ նախարար Արարատ Միրզոյանը՝ ներկայացնելով կառավարության ծրագրի (2021-2026 թթ.) 2023 թվականի կատարման ընթացքի և արդյունքների մասին զեկույցի արտաքին հարաբերությունները ներկայացնելի:

Նախարարը կրկնեց բանակցությունների հիմնական սկզբունքները։

«Անշուշտ խաղաղության պայմանագրի որոշ հոդվածների շուրջ կարողացել ենք առաջընթաց ապահովել, բայց սկզբունքային հարցերում առայժմ շատ շոշափելի արդյունքներ չկան»,- հայտարարեց Միրզոյանը։

Նա նաև տեղեկացրե, որ Թեհրանում ոչ պաշտոնական շփումներ են եղել 3+2 ձևաչափի նախարարական հանդիպման շրջանակներում:

«Հատկանշական է, որ այն պահից, երբ Ադրբեջանի նախագահը հրաժարվեց այդ հանդիպումների շարքից, սկսած Գրանադայից, նույն պահից դադարեցին նաև ԱԳ նախարարների հանդիպումների մակարդակով, իսկ 2024-ին ԱԳ նախարարների մակարդակով հանդիպումները վերսկսվեցին Մյունխենում, ապա Բեռլինում»,-հայտնեց Միրզոյանը: