Արսեն Զախարյանը դեբյուտային գոլից հետո իսպաներենով դիմել է իր երկրպագուներին

«Ռեալ Սոսյեդադ»-ի կիսապաշտպան Արսեն Զախարյանն Իսպանիայի առաջնության 29-րդ տուրի՝ «Կադիսի» դեմ խաղում (2:0) իր նորամուտի գոլից հետո իսպաներենով դիմել է թիմի երկրպագուներին։

Տեսանյութը հրապարակել է թիմի մամուլի ծառայությունը։

«Շնորհակալություն աջակցության համար։ Շատ ուրախ եմ հաղթանակի և հիանալի գոլի համար. Առաջ»,- խաղից հետո ասել է Զախարյանը:

Ֆուտբոլիստը փոխարինման դուրս գալուց երկու րոպե անց՝ Բրայս Մենդեսի փոխանցումից 68-րդ րոպեին գոլի հեղինակ է դարձել։