Հունաստանի ափերի մոտ երկու ուժգին երկրաշարժ է տեղի ունեցել

Հունաստանի Պելոպոնես թերակղզու մերձակայքում երկու երկրաշարժ է տեղի ունեցել, հայտնում է Աթենքի համալսարանի սեյսմոլոգիական լաբորատորիան։

5,4 մագնիտուդով առաջին ցնցումը տեղի է ունեցել տեղական ժամանակով 09:11-ին (Մոսկվայի ժամանակով 10:11-ին), երկրորդը՝ 5,8 մագնիտուդով, մեկ րոպե անց՝ 09:12-ին։ «ՌԻԱ նովոստի»-ին հայտնում է, որ առաջին երկրաշարժի օջախը եղել է տասը կիլոմետր խորության վրա՝ Պիրգոս քաղաքից 52 կիլոմետր, իսկ Աթենքից 234 կիլոմետր հեռավորության վրա։

Երկրորդ երկրաշարժի աղբյուրը գտնվել է 18 կիլոմետր խորության վրա՝ Պիրգոսից 48 կիլոմետր և Աթենքից 226 կիլոմետր հեռավորության վրա։