Եվրոպայում ամառային ժամանակը կարող է չեղարկվել

Մարտի 31-ին եվրոպացիներն իրենց ժամացույցները մեկ ժամ առաջ կդնեն, գուցե վերջին անգամ։

Եվրանյուզի հաղորդմամբ, ամառային ժամանակի մասին կոնվենցիան կարող է չեղյալ համարվել ԵՄ-ում, եթե փորձագիտական միջնորդությունը հաջողվի: Նրանք հույս ունեն, որ այդ հարցը կդիտարկվի հունիսի 9-ին կայանալիք ԵՄ խորհրդարանի ընտրություններում։

2018 թվականին խորհրդարանը քվեարկել էր՝ ազատվելու տարին երկու անգամ ժամացույցի փոփոխությունից: Դա տեղի է ունեցել այն բանից հետո, երբ ԵՄ-ի 4,6 միլիոն քաղաքացիների շրջանում անցկացված հարցումը ցույց էր տվեց չեղյալ համարելու մեծ աջակցությունը:

Փոփոխությունները պետք է ուժի մեջ մտնեին մինչև 2021 թվականը, սակայն դրանք չեղարկվել էին COVID-19 համաճարակից անմիջապես առաջ։

Այս բանավեճում ամենամեծ հարցերից մեկն է, որին դեռ պետք է վերջնական պատասխան տալ, այն է, թե արդյոք ժամացույցի փոփոխությունն իրականում նվազեցնում է էներգիայի սպառումը:
Մի շարք ուսումնասիրություններ ցույց են տվել, որ ամառային ժամանակի շրջակա միջավայրի վրա ազդեցությունը աննշան է կամ նույնիսկ բացասական: Այսպիսով, սա իմաստ ունի՞: