Գերմանիան նշել է պայմանը, որի դեպքում Վրաստանը կկորցնի ԵՄ-ին անդամակցելու իր հնարավորությունը

Եվրամիությանն անդամակցելու Վրաստանի շանսերը կվտանգի, եթե ընդունվի օտարերկրյա գործակալների մասին օրենքը։ Այս մասին հայտնում է Reuters-ը՝ հղում անելով Գերմանիայի ԱԳՆ-ի հայտարարությանը։

Գերմանիայի արտաքին գործերի նախարարության խոսնակ Սեբաստիան Ֆիշերը հիշեցրել է, որ չնայած վրաց բազմահազարանոց հանրության լայնածավալ բողոքներին, օրինագիծը օրակարգից չի հանվել։

«Կկորցնի արդյոք Վրաստանը ԵՄ-ին անդամակցելու այս հնարավորությունը, կորոշվի ԵՄ այլ երկրների հետ խորհրդակցությունների ժամանակ»,-«Գազետա ռու»-ի փոխանցմամբ ասել է դիվանագետը։

Այս թեմայով հայտարարություն է արվել Վրաստանի վարչապետ Իրակլի Կոբախիձեի Բեռլին կատարելիք այցի նախօրեին, որտեղ նա կհանդիպի Գերմանիայի կանցլեր Օլաֆ Շոլցի հետ։