Կարծախ անցակետում ոստիկան է մահացել

Ախալքալաքի մունիցիպսլիտետի Կարծախ անցակետում մահացել է սահմանապահ ոստիկանության սերժանտ Վալերի Գեդելյանը։ Jnews-ի հաղորդմամբ, այս մասին տեղեկությունը տարածում է Վրաստանի ՆԳՆ-ն։

ՆԳՆ-ից հայտնում են, որ աշխատակից Վալերի Գեդելյանը Կարծախ անցակետում (սահմանային անցակետ) ծառայության ժամանակ մահացել է։ Նա 35 տարեկան էր։ Մահվան պատճառները հետաքննվում են։

«Ներքին գործերի նախարարությունը ցավակցում է Սամցխե-Ջավախքի տարածաշրջանում, ոստիկան, 1989 թվականին ծնված Վալերի Գեդելյանի մահվան կապակցությամբ։ ՆԳՆ-ն ցավակցում է ընտանիքի անդամներին և հարազատներին»,- ասվում է հաղորդագրությունում։

Մահվան պատճառները պարզելու համար Սամցխե-Ջավախքի ոստիկանության գործակալությունը հետաքննություն է անցկացնում։ Հարուցվել է գործ Վրաստանի ՔՕ 115-րդ հոդվածով (ինքնասպանության հասցնել)։