Եթե Հայաստանին ինչ-որ բան տան, մենք Ադրբեջանին եռապատիկ ավելի ենք տալու. Չավուշօղլու

«Ադրբեջանը հավակնություն չունի Հայաստանի հողերի նկատմամբ»,-այդ մասին ՆԱՏՕ-ի Խորհրդարանական վեհաժողովում հայտարարել է թուրքական պատվիրակության ղեկավար Մևլութ Չավուշօղլուն՝ մեկնաբանելով Հայաստանին տրամադրված արևմտյան ֆինանսավորումը։

«Եթե նրանց նպատակը Հայաստանի հզորացումն ու հակամարտության մղելն է, ապա Ադրբեջանը նույնպես միայնակ չէ։ Եվ նա երբեք մենակ չի մնա, Թուրքիան միշտ նրա հետ է։ Եթե Հայաստանին ինչ-որ բան տան, մենք Ադրբեջանին եռապատիկ ավելի ենք տալու։ Ադրբեջանը պատերազմ չի ուզում»,-նրա խոսքերն են մեջբերում ադրբեջանական լրատվամիջոցները։