Մարուքյան. Արցախում մնացել են 10 հայեր, որոնք այժմ ենթարկվում են ոտնձգությունների

«Սա այն է, ինչ մենք անվանել ենք ադրբեջանական ռեժիմի դեմք և դրա հիման վրա անընդհատ պնդել ենք, որ Ադրբեջանն ի վիճակի չէ ապահովելու Լեռնային Ղարաբաղի հայերի իրավունքներն ու անվտանգության երաշխիքները»,- X-ի իր էջում գրել է ՀՀ հատուկ հանձնարարություններով նախկին դեսպան Էդմոն Մարուքյանը։

Նա նշել է, որ Ադրբեջանի կողմից Արցախի Հանրապետությունում էթնիկ զտումներ իրականացնելուց հետո, Արցախում 150 հազար հայերից մնացին մոտ 10-ը, որոնք այժմ ենթարկվում են ոտնձգությունների։

«Ահա թե ինչու մենք շարունակում էինք հայտարարել, որ սա հանցավոր ռեժիմ է և դեռ զարմանում ենք, թե ինչպես կարող է միջազգային հանրությունը հավատալ Ադրբեջանին, երբ նրանք ասում էին՝ «նրանք մեր քաղաքացիներն են և ունեն բոլոր իրավունքներն ու անվտանգությունը՝ համաձայն Ադրբեջանի Սահմանադրության՝ մեզ հետ խաղաղ ապրելու համար»»,-գրել է նա։

Մարուքյանը տեսանյութ է հրապարակել, թե ինչպես են ադրբեջանցիները ծաղրում Արցախում մնացած տարեց հային։ Ապա հարց է ուղղել Եվրոպական խորհրդի նախագահ Շառլ Միշելին, թե ի՞նչ է նա մտածում այդ մասին։

This what we called is the face of the Azerbaijani regime, which we kept insisting, is not capable of ensuring the rights and security guarantees of Armenians of Nagorno Karabagh. After Azerbaijan carried out the ethnic cleansing, out of 150,000 Armenians only about 10 are left… https://t.co/zZLIfqKekw

— Edmon Marukyan (@edmarukyan) April 9, 2024