Այվազովսկու «Հարավային ափին» կտավը վաճառվել է 514 հազար ֆունտ ստեռլինգով

Ապրիլի 10-ին MacDougall's աճուրդի տունն անցկացրել է իր հերթական աճուրդը` «Փարիզի դպրոցը և այլ վարպետներ»: Ցուցադրված լոտերի թվում են եղել ռուս նկարիչների բազմաթիվ գործեր:

Աճուրդի գլխավոր լոտը եղել է համաշխարհային ճանաչում ունեցող հայազգի հայտնի ծովանկարիչ Հովհաննես Այվազովսկու «Հարավային ափին» կտավը, որը ստեղծել է 1893 թվականին։

kulturomania.ru-ի հաղորդմամբ, փորձագետները նախնական այն գնահատում էին 400.000-600.000 ֆունտ ստեռլինգ։ Այն վաճառվել է 514  հազար ֆունտ ստեռլինգով։