Մենք ձգտում ենք կանխել ԵԱՏՄ-ն քաղաքականացնելու ցանկացած փորձերը. Փաշինյան

«Մենք շարունակում ենք զարգացնել փոխգործակցությունը մեր տնտեսական համագործակցության շրջանակներում՝ ձգտելով կանխել ԵԱՏՄ-ն քաղաքականացնելու ցանկացած փորձերը»,- ասել է Նիկոլ Փաշինյանը՝ Ղազախստանի Egemen Qazaqstan և Казахстанская правда թերթերին տված հարցազրույցում։

Նա նշել է, որ ԵԱՏՄ-ն և նրա տնտեսական սկզբունքները չպետք է փոխկապակցվեն քաղաքական հավակնությունների հետ:

«Առևտրի և ինտեգրման հիմնական ազատությունները չեն կարող և չպետք է սահմանափակվեն քաղաքական նկատառումներով, ինչը կհանգեցնի միավորման հիմնարար սկզբունքների կորոզիայի»,- ասել է Փաշինյանը։

Հարցազրույցն ամբողջությամբ՝ ՀՀ կառավարության կայքում։