Իրանը հարձակումից հետո Իսրայելի դեմ անհապաղ պատասխան գործողություն չի նախատեսում

Իրանը չի ծրագրում անհապաղ պատասխան հարված հասցնել ուրբաթ օրը տեղի ունեցած հարձակումից հետո, ինչպես նաև պարզ չէ, թե կոնկրետ ով է կանգնած դրա հետևում։ Այդ մասին հայտնում է Reuters-ը՝ վկայակոչելով իրանցի բարձրաստիճան պաշտոնյային:

«Անհապաղ պատասխան հարված հասցնելու ծրագիր չկա, հստակություն չկա, թե ով է կանգնած միջադեպի հետևում»,- պաշտոնյայի խոսքերը մեջբերում է գործակալությունը:

Իրանցի բարձրաստիճան պաշտոնյան նաև գործակալությանը ասել է, որ Իրանը «արտաքին» հարձակման չի ենթարկվել, և իշխանությունները հակված են ենթադրելու, որ դա «ներթափանցում» է երկրի տարածք, ոչ թե հարձակում: