Freedom House-ն անդրադարձել է ՀՀ-ում ոստիկանության դրսևորած բռնություններին և ճնշումներին

Freedom House միջազգային իրավապաշտպան կազմակերպությունը իր X-ի միկրոբլոգում գրել է.

«Մենք մտահոգված ենք Հայաստանում ոստիկանական բռնության մասին հաղորդումներով:

Մենք կոչ ենք անում Հայաստանի իշխանություններին հետաքննել անհամաչափ ուժի և անմարդկային վերաբերմունքի շարունակական դարձած դեպքերը և համագործակցել քաղաքացիական հասարակության հետ՝ խթանելու և իրականացնելու ոստիկանության բովանդակային բարեփոխումներ»:

Հիշեցնենք, որ այսօր ՀՀ ոստիկանության ստորաբաժանումները բիրտ ուժ կիրառելով Այրումից Բագրատաշենի անցակետ տանող ճանապարհահատվածից բերման են ենթարկել 20-ից ավել քաղաքացու։