Բորելը դատապարտել է Վրաստանում տեղի ունեցած բողոքի ակցիաների ժամանակ ոստիկանական ուժի կիրառումը

ԵՄ դիվանագիտության ղեկավար Ժոզեպ Բորելը X ցանցի իր միկրոբլոգում դատապարտել է Վրաստանում ցուցարարների դեմ անվտանգության ուժերի գործողությունները և երկրի իշխանություններին կոչ է արել ապահովել խաղաղ ցույցերի իրավունքը՝ հիշեցնելով ԵՄ-ին անդամակցելու թեկնածուի կարգավիճակը։ .

«Ես խստորեն դատապարտում եմ Վրաստանում ցուցարարների նկատմամբ բռնությունները, ովքեր մասնակցել են արտաքին ազդեցության մասին օրենքի դեմ խաղաղ ցույցերին։ Կոչ եմ անում իշխանություններին ապահովել խաղաղ հավաքների իրավունքը։»,- գրել է Բորելը:

Երեքշաբթի օրը Թբիլիսիում տեղի է ունեցել հերթական ակցիան ընդդեմ օտարերկրյա գործակալների մասին օրենքի։ Երեկոյան ցուցարարների հետ բախումների ժամանակ ոստիկանները օգտագործել են արցունքաբեր գազ, ջրցան մեքենաներ և ռետինե փամփուշտներ, որպեսզի նրանց հեռացնեն Ռուսթավելի պողոտայից, որտեղ գտնվում է խորհրդարանը: Վրաստանի նախագահ Սալոմե Զուրաբիշվիլին չորեքշաբթի գիշերը հրապարակված հայտարարության մեջ ներքին գործերի նախարար Վախթանգ Գոմելաուրիին կոչ է արել դադարեցնել Թբիլիսիի ցույցը ցրելու և օտարերկրյա գործակալների մասին օրենքի դեմ ընթացող ցույցը անվանել է խաղաղ։ Վրաստանի ՆԳՆ-ն հայտնել է, որ բողոքի ակցիայի ընթացքում ձերբակալվել է 63 քաղաքացի, վիրավորվել՝ վեց ոստիկան։