Երեկվա անձրևից հետո Երևանի փողոցները վերածվել են գետերի, մեքենաները շարժվել չեն կարողացել

Երեկ երեկոյան տեղացած անձրևից հետո Երևանի կենտրոնական փողոցները վերածվել են գետերի։ Դրանք լցվել են նույնիսկ շենքերի մուտքեր։

Կենտրոնում՝  Տիգրան Մեծ-Խանջյան փողոցների խաչմերուկից քիչ այն կողմ գտնվող վերգետնյա անցումի տակ այնքան ջուր է կուտակվել, որ մեքենաները շարժվել չեն կարողացել։

Վարորդները դուրս են եկել մեքենաներից, նստել դրանց վրա՝ սպասելով «հանկարծակի» տեղացած անձրևից զարմացած քաղաքային իշխանությունների գործողություններին։