Կառավարությունը Սիսիան-Քաջարան ճանապարահատվածի համար 236 մլն եվրոյի վարկ կվերցնի

«Սիսիան-Քաջարան ճանապարահը բաժանել ենք երեք հատվածների՝ հյուիսային, Բարգուշատի թունել և հարավային հատված, համապատասխանաբար՝  27,  8. 6 և 24.2 կմ երկարություններով»,- կառավարության նիստում հայտնեց ՏԿԵ նախարար Գնել Սանոսյանը՝ զեկուցելով Հայաստանի Հանրապետության ու Վերակառուցման և զարգացման եվրոպական բանկի միջև «Հյուսիս-հարավ ճանապարհային միջանցք (Սիսիան-Քաջարան հարավային հատված)» վարկային համաձայնագրի ստորագրման առաջարկությանը հավանություն տալու մասին նախագիծը։

Նա հայտնեց, որ նախագիծը վերաբերում է 24.2 կմ հատվածին։

Սանոսյանի խոսքով, Քաջարանից մինչև Սիսիան առկա 118 կմ ճանապարհը կկրճատվի մինչև 60 կմ և ավտոմեքենաների ներկայիս միջինում 50 կմ/ժ արագությունը կհասցվի 100կմ/ժ-ի։

«Ֆինանսավորման համար վարկային միջոցնրեը 373 մլն եվրո է, որից ՎԶԵԲ-ի հետ 236 մլն եվրոյի համար է նախատեսվում կնքել համաձայնագիրը»,-ասաց ՏԿԵ նախարարը։

Նա հայտնեց, որ ճանապարհը Սիսիանից հասնելու է Բարգուշատի թունելին և ունենալու է ևս 5 թունել և 11 կամուրջ։ Նախատեսվում է նախագիծն ավարտել 2030 թվականին, ևս 2 տարի էլ կհատկացվի սպասարկման համար։