Քաղաքական լուծումներն այս դեպքում առաջնային են. Տիգրան Աբարհամյան

«Մեր հանրության բավականին մեծ խումբ, շերտեր արդեն իսկ հստակ պատկերացում ունեն այն ամեն ինչի հանդեպ, ինչը տեղի է ունենում մեր իրականության մեջ»,-Հանրապետության հրապարակում  Panorama.am-ին ասաց «Պատիվ ունեմ» խմբակցության քարտուղար Տիգրան Աբրահամյանը։

Նրա խոսքով՝ չի կարող ամեն տարի իշխանությունը գա և ասի, թե երկիրը տանում է կայունության, անվտանգության ճանապարհով, բայց յուրաքանչյուր տարի նոր զոհողություներ , կորուստներ և հանձնողական նոր քաղաքականություն բերել։

Աբրահամյանը հայտնեց, որ մարդիկ ոգևորված են, որ կա նախաձեռնություն և առաջնորդող մարդիկ և նրանք եկել են, որպեսզի իրենց վերաբերմունքը ներկայացնեն իշխանությունների հանդեպ, որը երկիրը բերել հասցրել է ծայրահեղ կետի։

«Քաղաքական լուծումներն այս դեպքում առաջնային են, որովհետև եթե իշխանությունները  ստեղծած ոստիկանապետության միջոցով գնա կոշտ այնպիսի քայլերի, ինչն արել է մինչ այս՝ բռնություն, մարդկանց ազատությունից զրկելը, կոշտ ուժի կիրառում, ապա այս իրավիճակը մի օր պայթելու է և շատ վատ հետևանքներ է ունենալու հանրության և ավելի ծանր հետևանքներ են ունենալու և իշխանության և երկրի համար»,- ասաց Աբրահամյանը և հեվելեց. «Որքան այսպիսի շարժումներն աճում են և շատ մարդիկ են ներգրավում, այնքան իշխանությունների համար ուժի կիրառումը դառնում է շատ ավելի բարդ»։