Արսեն Բաբայան. Շատ ափսոսում եմ դատավոր Ոսկանյանի որոշման համար

«Վազգեն Սաղաթելյանի, Նարեկ Սամսոնյանի նկատմամաբ ողջ հետապնդումները միայն ու միայն քաղաքական բնույթ ունեն»,-Panorama.am-ի հետ զրույցում դատական նիստի ավարտից հետո հայտարարեց Վ. Սաղաթելյանի փաստաբան Արսեն Բաբայանը։

Նշենք, որ այսօր նշանակված նիստում դատավորն ինքնաբացարկ հայտնեց՝ նշելով, որ նախկինում Նարեկ Սամսոնյանի վերաբերյալ քննել է գործ, որի մեջ էլի կային հանգամանքներ, որոնք նույն հաղորդման շրջանակում էին։

«Ըստ դատավորի հիմնավորման, որպեսզի որևէ անձի մոտ ողջամիտ կասկած չառաջանա, որ ինքն արդեն տիրապետում է զննության նյութերին, ապացույցներին, որոշեց, որ պետք է իննքաբացարկ հայտնի։  Ես շատ ափսոսում եմ, քանի որ դատավոր Ոսկանյանն ապացուցել էր, որ վերջին շրջանում ինքն արդարադատություն է իրականացնում՝ հատկապես Սամսոնյան Նարեկի գործով։ Հետևաբար ունենք մի վիճակ, երբ պետք է գործը մակագրվի նոր դատավորի ու նոր առաջին դատական նիստ տեղի ունենա»,-մանրամասնեց Արսեն Բաբայանը։