Իմպիչմենտի գործընթացն իր ընթացքի մեջ է, ամեն ինչ ուժի մեջ է. Բագրատ Սրբազան

 «Անկեղծորեն ասած գնում ենք մեր հարցադրումները կատարելու։ Կարծում եմ՝ այսքան ժողովրդին տեսնելը պետք է որ իրեն, եթե հրաման չունի, հասկանալու, լսելու, հանդիպելու և պատասխանները տալու»,-դեպի ներքին գործերի նախարարություն երթի ժամանակ ասաց «Տավուշը հանուն հայրենիքի» շարժման առաջնորդ Բագրատ արքեպիսկոպոս Գալստանյանը։

Սրբազանը նշեց, որ  ընդունել-ընդունելը ոչ պատիվ է, ոչ անպատվություն։

«Մենք կախված չենք ընդունել-չընդունելուց։ Կիջնի, կհանդիպի այս ժողովրդի հետ, որին կոչված է ծառայելու, շատ լավ, չէ, կտեսնենք»,-  ասաց Սրբազանը։

Հարցին՝ ինչ օրակարգ, անելիքներ ունե՞ք, Բագրատ Սրբազանն ասաց. «Մենք ամեն օր ասում ենք և անում ենք։ Իմպիչմենտի գործընթացն իր ընթացքի մեջ է, ամեն ինչ ուժի մեջ է»։