ԱԳՆ-ի մոտից բերման ենթարկված քաղաքացիներն ազատ են արձակվում

ԱԳՆ-ի մոտից բերման ենթարկված 27 քաղաքացիները ազատ են արձակվում Ձերբակալվածների պահման վայրերից։ Այս մասին հայտնում են «Տավուշը հանուն հայրենիքի» շարժումից։ 

Նրանց դիմավորում են քաղաքացիները և ԱԺ պատգամավորները։

Ավելի վաղ «Հինգ իրավապաշտպանների նախաձեռնություն»-ը հայտարարություն է տարածել, որում ասվում է.

«Փաստում ենք, որ մայիսի 31-ին ԱԳՆ վարչական շենքի դիմաց տեղի ունեցած միջադեպի փաստով ձերբակալված 27 քաղաքացիներից ոչ մեկին օրենքով սահմանված ժամկետում մեղադրանք չի ներկայացվել։

Դա նշանակում է, որ 72 ժամը լրանալուն պես նրանք պետք է ազատ արձակվեն Երևանի, Մասիսի ու Աբովյանի ՁՊՎ-ներից։ 72 ժամը լրանում է այսօր՝ հունիսի 3-ին, ժամը 15:30-ին (մի քանի անձի պարագայում՝ 17:00-ին)»։