Տեր Հեթում. Չոլախին հուղարկավորեցինք ինքնաշեն դագաղով, առանց ավելորդ թոհ ու բոհի

Գուգարաց թեմի Ախթալայի և հարակից գյուղերի հոգևոր հովիվ տեր Հեթում քահանա Թարվերդյանը գրում է.

«Այս ծանր օրերի մեջ, թերևս, ամենածանրերից էր Գագիկ Խանդամիրյանի հուղարկավորությունը: Չոլախին, ինչպես բոլորը նրան դիմում էին, հուղարկավորեցինք ինքնաշեն դագաղով, առանց ավելորդ թոհ ու բոհի: Միայն սիրտներս էր լի տխրությամբ և աղոթքով:

Որպես Ախթալայի հոգևոր հովիվ, ուզում եմ շնորհակալություն հայտնել Ախթալայի ԼՀԿ-ին այս հարցում մեզ մեծ աջակցություն ցուցաբերելու համար, ու մեծ շնորհակալություն բոլոր սրտացավ այն տղաներին, ովքեր անտրտունջ ձեռք մեկնեցին»։