Քաղաքացիները Բագրատ Սրբազանի առաջնորդությամբ վերադառնում են Բաղրամյան, երեկոյան հավաք կլինի

Քաղաքացիները «Տավուշը հանուն հայրենիքի» շարժման առաջնորդ Բագրատ արքեպիսկոպոս Գալստանյանի առաջնորդությամբ շարժվում են Բաղրամյան պողոտա։  Երթն ընթանում է Նալբանդյան - Սայաթ Նովա փողոցներով։ 

Սրբազանն ասաց, որ երեկվա իրադարձություններից հետո իրենց ծրագրերն ամբողջությամբ գլխիվայր է դարձել. «Ոչ թե ընկճվել ենք, պարզապես  մի քիչ այլ կերպ ենք նայելու հարցերին։ 

Այսօր ժամը 20:00-ին կհավաքվենք Բաղրամյան-Դեմիրճյան խաչմերուկում, կքննարկենք,  կվերլուծենք, գնահատականները կտանք, առաջիկա ժամանակաշրջանի մասին կխոսնեք։

Պայքարի բովանդակությունը չի փոխվել, շարունակելու է արդեն թերևս մի քիչ այլ կերպ է լինելու»։