Մեդվեդևը Կիևին նախազգուշացրել է Պուտինի առաջարկներից հրաժարվելու սարսափելի հետևանքների մասին

«Սանիտարական գոտու սահմանը կարող է սահմանվել ոչ հօգուտ Ուկրաինայի, եթե նրա իշխանությունները հրաժարվեն հակամարտությունը կարգավորելու ՌԴ նախագահ Վլադիմիր Պուտինի առաջարկներից»,-այս մասին հայտարարել է ՌԴ Անվտանգության խորհրդի փոխնախագահ, «Եդինայա Ռոսիա»-ի նախագահ Դմիտրի Մեդվեդևը, որի խոսքերը փոխանցում է «ՌԻԱ նովոստի»-ն։

Նրա խոսքով, եթե Կիևը չընդունի Մոսկվայի պայմանները, ռուսական զորքերի հարձակողական գործողությունները կշարունակվեն, և դեռ դժվար է ասել, թե որտեղ կավարտվի սանիտարական գոտու սահմանը, որի մասին խոսել է Պուտինը։ Նա նշել է, որ ամեն ինչ կարող է չընթանալ հօգուտ Ուկրաինայի։

Հունիսի 14-ին Վլադիմիր Պուտինը արտգործնախարարության ղեկավարության հետ հանդիպման ժամանակ ասել է, որ խաղաղ բանակցություններ սկսելու համար Ուկրաինան պետք է դուրս բերի իր զորքերը ԿԺԴՀ-ի, ԼԺՀ-ի և Խերսոնի և Զապորոժիեի շրջաններից։ Ռուսաստանի ղեկավարն ընդգծել է, որ ռազմական գործողությունները կդադարեն անմիջապես այն բանից հետո, երբ ուկրաինական կողմը համաձայնի այս պայմանին։ Բացի այդ, Կիևը նաև պետք է պաշտոնապես հայտարարի ՆԱՏՕ-ին անդամակցելու ծրագրերից հրաժարվելու մասին։