Գիտնականներն հայտնել են աշխարհում վաղաժամ մահացության երկրորդ ռիսկային գործոնի մասին

Օդի վատ որակը 2021 թվականին վաղաժամ մահացության երկրորդ առաջատար գործոնն է եղել հիպերտոնիկությունից հետո։ «ՌԻԱ նովոստի»-ն հայտնում է, որ այդ մասին ասվում է Health Effects Institute և Institute for Health Metrics and Evaluation գիտնականների՝ ՄԱԿ-ի մանկական հիմնադրամի (ՅՈՒՆԻՍԵՖ) հետ համատեղ կատարած հետազոտության մեջ:

Չորեքշաբթի հրապարակված «Աշխարհի օդի վիճակի մասին» 2024 թվականի զեկույցը տվյալներ է տրամադրում ամբողջ աշխարհում օդի որակի և առողջության վրա դրա ազդեցության վերաբերյալ:

Ըստ հետազոտության՝ օդի աղտոտվածությունը 2021 թվականին աշխարհում 8,1 միլիոն մարդու մահվան պատճառ է դարձել (բոլոր մահերի մոտ 12%-ը): Ավելին, ավելի քան 700 հազար մահվան դեպք է տեղի ունեցել մինչև հինգ տարեկան երեխաների մոտ (այս տարիքի մանկական մահերի բոլոր դեպքերի 15%-ը), որից ավելի քան 500 հազար մահը կապված է շինության ներսի օդի աղտոտվածության հետ: Այսպիսով, մինչև 5 տարեկան երեխաների շրջանում օդի աղտոտվածությունը մահացության երկրորդ ռիսկն է թերսնումից հետո։

Նշվում է, որ օդի վատ որակը, հիպերտոնիայից հետո, վաղաժամ մահացության երկրորդ առաջատար գործոնն է: Ցանկում հաջորդում են ծխախոտի օգտագործումը, վատ սննդակարգը և արյան մեջ գլյուկոզայի բարձր մակարդակը:

Հետազոտության համաձայն՝ օդի աղտոտվածությունը պատասխանատու է ստորին շնչուղիների ինֆեկցիաներից մահացությունների 30%-ի, սրտի իշեմիկ հիվանդությունից մահերի 28%-ի և թոքերի քրոնիկ օբստրուկտիվ հիվանդությունների 48%-ի համար:

Հետազոտողները շեշտում են, որ օդի աղտոտվածության ազդեցությունը նվազեցնում է իմունային համակարգի ինֆեկցիայի դեմ պայքարելու կարողությունը՝ թույլ տալով շնչառական վիրուսներով, այդ թվում՝ COVID-19-ով վարակվելուն։